चितवन । गत मंसिर १० गतेदेखि चितवनको सौराहामा जारी रहेको नेकपा एमालेको १०औं महाधिवेशन १७ बुँदे घोषणापत्र जारी गर्दै सम्पन्न भएको छ ।
मंगलबार नवनिर्वाचित उपमहासचिव प्रदीप ज्ञवालीले घोषणापत्र समितिका तर्फवाट तयार भएको घोषणापत्र बाचन गरेर सुनाएका थिए । सो प्रस्तावलाई महाधिवेशन हलले ध्वनि मतले पारित गरेको थियो ।
घोषणापत्रमा चुनावपछि जनादेशसहित पुनः सत्तामा स्थापित हुने उल्लेख गरिएको छ । न्याय पाउने हकको सम्मान गर्न आह्वान गरिएको घोषणापत्रले दक्षिणपन्थी अवसरवादलाई मुख्य चुनौती भनेको छ । यसलाई परास्त गर्ने प्रतिवद्धता ब्यक्त गरेको छ ।
घोषणापत्रमा राजनीतिक स्थायित्वका लागि एमाले एकतावद्ध हुन आह्वान गरेको छ । यस्तै, महाधिवेशनले अहिले राज्यका तीनवटै अंगले नागरिकको विश्वास गुमाउँदै गएको ठहर समेत गरेको छ ।
Leave a Reply