रुपन्देही । लुम्बिनी विकास कोष परिसरमा रहेको लुम्बिनी बसपार्क क्षेत्रमा आगलागी भएको छ ।
जिल्ला प्रहरी कार्यालय रुपन्देहीका अनुसार बिहीबार राति आगलागी हुँदा १० वटा माला तथा गिफ्ट पसल, रेष्टुरेण्ट, फेन्सी पसलमा क्षति पुगेको छ ।
आगलागीको कारण खुल्न सकेको छैन । स्थानीयका अनुसार राति २ बजे आगलागी सुरु भएको थियो ।
दमकल, प्रहरी र स्थानीयले आगलागी नियन्त्रणमा लिएका र घटनाको अनुसन्धान भइरहेको जिल्ला प्रहरी कार्यालय रुपन्देहीले जनाएको छ ।
Leave a Reply