काठमाडौं । काठमाडौं महानगरपालिका–६ कपन राधाकृष्ण मन्दिर नजिककै लिभिङ टुगेदर बस्दै आएका युवक–युवती मृत फेला परेका छन् ।

महानगरीय प्रहरी परिसर काठमाडौँका अनुसार संखुवासभा घर भएका २५ वर्षीय अनिस जिमी र खोटाङकी युसुना राई मृत फेला परेका हुन् ।

केटाको ठूलीआमाको घरको कोठामा उनीहरुको शव  भेटिएको प्रहरीले जनाएको छ ।  युवतीको शरिरमा धारिलो चक्कुले रोपेको धेरै चोट देखिएको छ भने केटाको घाँटीमा चक्कुले रेटेको चोट भेटिएको प्रहरीको भनाइ छ

प्रहरीले घटनास्थलबाट धारिलो हतियारसमेत बरामद भएको  र  घटनाको अनुसन्धान भइरहेको जनाएको छ ।