काठमाडौं । नेकपा एकीकृत समाजवादीका अध्यक्ष माधवकुमार नेपाललाई कोरोना भाइरस संक्रमण पुष्टि भएको छ ।

अध्यक्ष नेपालको सचिवालयका अनुसार मंगलबार आएको रिपोर्ट अनुसार उनमा संक्रमण पुष्टि भएको हो । यद्यपि अध्यक्ष नेपालको स्वास्थ्य अवस्था भने सामान्य नै रहेको र आफ्नै निवासमा आराम गरिरहेको सचिवालयको भनाइ छ।

केही दिनअघि माओवादी केन्द्रका अध्यक्ष पुष्पकमल दाहाल ‘प्रचण्ड’सहित माओवादीका अधिकांशलाई कोरोना संक्रमण देखिएको थियो । नेपाल र प्रचण्डबीच कोरोना देखिनुभन्दा अघिल्लो दिन गठबन्धन बैठकका क्रममा उनीहरुबीच भेट भएको थियो ।

कन्ट्रयाक ट्रेसिङका कारण नेपाल आइसोलेसनमा रहेर पीसीआर चेक गरेका थिए । रिपोर्टमा कोरोना देखिएपछि भेटघाट तथा सार्वजनिक कार्यक्रमहरु स्थगित गरिएको छ।