काठमाडौं । निर्वाचन आयोगमा सर्वदलीय बैठक जारी रहेको छ ।
बैठकमा नेपाली कांग्रेसका रमेश लेखक, एमालेका तर्फबाट विष्णु रिमाल, निरज आचार्य र डा भीष्म अधिकारी तथा माओवादी केन्द्रका तर्फबाट लीलामणि पोखरेल एवंं नेमकिपाका प्रेम सुवालको सहभागिता रहेको छ ।
त्यसैगरी, नेपाली जनता दलका हरिचरण शाह तथा नेपाल संघीय समाजवादी पार्टीका मोहम्मद रिजवान अन्सारी पनि बैठकमा सहभागी भएको आयोगले जनाएको छ।
यसअघि आयोगले संघ र प्रदेशमा प्रतिनिधित्व गर्ने १७ दललाई बैठकमा उपस्थितिको लागि निमन्त्रणा गरेको थियो ।
बैठकमा तीन वटा विषयमा छलफल हुने आयोगको भनाइ छ । जसमा स्थानीय तहको निर्वाचन, राष्ट्रियसभाको निर्वाचन र मतदाता नामावली अद्यावधिकबारे छलफल हुने छ।
यसअघि गत पुस ९ गते आयोगले स्थानीय तहको निर्वाचनका सम्बन्धमा प्रधानमन्त्री शेरबहादुर देउवालाई भेटेर वैशाख १४ र २२ गते चुनावका विषयमा प्रस्ताव गरेको थियो।
Leave a Reply