काठमाडौं । सर्वोच्च अदालतका न्यायाधीशसहित २४ जनालाई कोराना भाइरसको संक्रमण पुष्टि भएको छ ।

सर्वोच्च अदालतका प्रवक्ता बाबुराम दाहालका अनुसार न्यायाधीश मीरा खड्का, मुख्य रजिष्ट्रार लालबहादुर कुँवरसहित २४ जनामा कोरोना संक्रमण पुष्टि भएको हो ।

आइतबार उनीहरूको पीसीआर परीक्षणको रिपोर्ट पोजिटिभ आएको हो । कन्ट्याक्ट ट्रेसिङमा परेपछि सर्वोच्चका अन्य ३० जना कर्मचारीको पनि परीक्षण गरिएको छ ।

रिपोर्ट नआए पनि उनीहरूमध्ये अधिकांशमा कोरोनाको लक्षण देखिएको प्रवक्ता दाहालले बताए । न्यायाधीशसहित कर्मचारीमा कोरोना संक्रमण देखिएपछि सर्वोच्चको दैनिक कामकाज प्रभावित बनेको छ ।