काठमाडौं । मधेश प्रदेशले शनिबार जारी गरेको राजपत्रमा ‘चुच्चे नक्सा’ गायब भएको छ । तत्कालिन प्रदेश नम्बर २ ले नाम परिवर्तन गरि ‘मधेस प्रदेश’ बनाएको बिषयमा शनिबार जारी भएको राजपत्रमा ‘चुच्चे नक्सा’ नसमेटिएको हो ।

सार्वभौम संघीय संसदले लिम्पियाधुरा, लिपुलेक र कालापानीसमेटेर नयाँ नक्सा जारी गरेको दुई बर्ष वितेको अवस्था हुदाँ हुदाँ पनि मधेस प्रदेशले भने पुरानै नक्सामार्फत राजपत्र प्रकाशित गरेको छ ।

मधेस प्रदेश नामाकरण गरिएको बिषय जानकारी दिन जारी राजपत्रमा चुच्चे नक्सा नअटेको हो । मधेस प्रदेशका महान्यायधिवक्ता दिपेन्द्र झाले सामाजिक सञ्जालमार्फत सार्वजनिक गरेको पत्रमा चुच्चे नक्सा नदेखिए पछि सर्वाधिक चासोको रुपमा हेरिएको छ ।

मदेस प्रदेशले हिजो मात्रै नाम परिवर्तन गरि ‘मधेस प्रदेश’ बनाएको बिषयमा जारी भएको राजपत्र सार्वजनिक गरेको थियो ।