काठमाडौ । नेपाली लेग स्पिनर सन्दीप लामिछाने इन्डियन प्रिमियर लिग (आइपिएल) को सन् २०२२ को सिजनका लागि भएको अक्सनमा ‘अनसोल्ड’ भएका छन् ।

आज भएको अक्सनमा उनलाई कुनै पनि टोलीले बोली लगाएनन् । नेपालबाट १५ खेलाडीले आईपीएलको मेगा अक्सनका लागि रजिष्ट्रर गरेका थिए । त्यसमध्ये सन्दीप मात्र अक्सनका लागि चुनिएका थिए ।

उनी पछिल्लो तीन सिजन दिल्ली क्यापिटल्ससँग आबद्ध थिए । उनलाई दिल्लीले सन् २०१८ को सिजन २० लाख भारुमा अनुबन्ध गरेको थियो ।

त्यससँगै उनी आइपिएल खेल्ने पहिलो नेपाली क्रिकेटर बनेका थिए ।