काठमाडौं । देशभर पछिल्लो २४ घण्टामा थप १८० जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ५ हजार २१८ पीसीआर परीक्षणमा ११९ जना र ३ हजार १२३ एन्टिजेन परीक्षणमा ६१ जना गरी १८० जनामा संक्रमण पुष्टि भएको हो ।
यस्तै, मन्त्रालयका अनुसार सोही अवधिमा ४०० जना संक्रमणमुक्त भएका छन् । हाल देशभर कोरोना भाइरसको सक्रिय संक्रमितको संख्या आठ हजार २३५ रहेको छ ।
कोरोनाका कारण आज १ जनाको मृत्यु भएको मन्त्रालयले जनाएको छ । त्यस्तै देशभर थप १ लाख ४१ हजार ३६९ जनाले कोरोनाविरुद्धको खोप लगाएका छन्।
Leave a Reply