काठमाडौं । देशभर पछिल्लो २४ घण्टामा थप १२७ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ४ हजार ६७२ जनाको पीसीआर परीक्षण गर्दा १२३ जना र २ हजार २०२ जनाको एन्टीजेन परीक्षण गर्दा ४ जना गरी १२७ जनामा संक्रमण पुष्टि भएको हो ।
यस्तै, मन्त्रालयका अनुसार सोही अवधिमा ३२१ जना संक्रमणमुक्त भएका छन् । हाल देशभर कोरोना भाइरसको सक्रिय संक्रमितको संख्या ७ हजार ७७० रहेको छ ।
कोरोनाका कारण आज ३ जनाको मृत्यु भएको मन्त्रालयले जनाएको छ । यसघि हिजो १५८ जनामा संक्रमण पुष्टि हुँदा ३५४ जना डिस्चार्ज भएका थिए।
Leave a Reply