काठमाडौं । महानगरीय अपराध महाशाखाले बैंकिङ कसूर मुद्दाका एक जना फरार प्रतिवादीलाई पक्राउ गरेको छ ।

पक्राउ पर्नेमा मकवानपुर हेटौडा उपमहानगरपालिका -१७ घर भइ काठमाडौँ मनमैजु बस्ने ३२ बर्षीय मन्दिप भुजेल रहेका छन्।

महाशाखाका अनुसार भुजेललाई बैंकिङ कसूर मुद्दामा उच्च अदालत पाटन ललितपुरले २०७८ मङ्सिर १२ गते चार दिन कैद र ९ लाख रुपैयाँ जरिवाना तोकेको थियो ।

त्यसपछि फरार रहेका उनलाई महानगरीय अपराध महाशाखा मिनभवनबाट खटिएको टोलीलेले काठमाडौं मनमैजुबाट पक्राउ गरेको हो ।

उनलाई फैसला कार्यान्वयनको लागि जिल्ला अदालत काठमाडौंमा उपस्थित गराइएको महाशाखाले जनाएको छ।