बझाङ । भाइबुहारीलाई बलात्कार गरेको आरोपमा जेठाजुलाई प्रहरीले पक्राउ गरेको छ ।

२२ वर्षीया भाइबुहारीलाई बलात्कार गर्ने ४२ वर्षीय जेठाजुलाई प्रहरीले नियन्त्रणमा लिएको जिल्ला प्रहरी कार्यालयले जनाएको छ ।

जेठाजु नाता पर्ने अभियुक्तले चैत १२ गते बेलुकी बुहारीको कोठाभित्र पसेर हात र मुख च्यापी जबरजस्ती करणी गरेको उजुरी परेपछि प्रहरीले उनको खोजी सुरु गरेको थियो ।

जिल्ला प्रहरी कार्यालयबाट खटिएको टोलीले आरोपित केदारस्युँ गाउँपालिकाको देउरा बजारमा घुमिरहेको पक्राउ गरेको जिल्ला प्रहरी कार्यालय बझाङका प्रमुख तथा डीएसपी ज्ञानबहादुर विष्टले जानकारी दिए ।

पीडितले अभियुक्तको श्रीमती (जेठानी) को सहयोगमा प्रहरीमा उजुरी दिएकी थिइन् ।