काठमाडौं। साताको दोस्रो दिन सोमबार सेयर बजार ओरालो लागेको छ ।

नेप्से परिसूचक ४१.७७ अंकले घटेर २३ सय ४३.८७ बिन्दुमा आइपुगेको छ ।

सोमबार २२९ कम्पनीको सेयर दोस्रो बजारमा खरिद बिक्री हुँदा १८२ कम्पनीको मूल्य घटेको छ भने ११ कम्पनीको मूल्य बढेको र २ कम्पनीको सेयर मूल्यमा कुनै परिवर्तन भएन ।

सोमबार कारोबारमा आएका १३ वटै उपसूचक नकारात्मक रह्यो । सोमबार ३८ लाख ७६ हजार ३०२ कित्ता सेयर ३१ हजार ८२५ पटक करोबार हुँदा कुल कारोबार रकम भने आइतबार भन्दा बढेर एक अर्ब ५३ करोड ६ लाख रुपैयाँ पुगेको छ ।

सोमबार सबै भन्दा धेरै कारोबार हुने कम्पनी नबिल बैंक रह्यो । ४९ करोड ६२३ लाख रुपैयाँ बराबरको कम्पनीको सेयर दोस्रो बजारमा धेरै खरिद बिक्री भएको थियो ।