Online Nepal
  • बुधबार, ४ जेष्ठ २०७९
  • दक्षिण अफ्रिकाका बाढी पीडितलाई नेपाल सरकारको सहयोग

    दक्षिण अफ्रिकाका बाढी पीडितलाई नेपाल सरकारको सहयोग

    अनलाइन नेपाल
  • शनिबार, १७ बैशाख २०७९
  • 240
    SHARES

    काठमाडौं । नेपालले दक्षिण अफ्रिकी नागरिकलाई सहयोग गरेको छ। परराष्ट्र मन्त्रालयका अनुसार प्रेटोरियास्थित नेपाली राजदूतावासमा आयोजित एक कार्यक्रमबीच बाढी–पहिरो पीडित दक्षिण अफ्रिकी नागरिकका लागि खाद्यान्न र लत्ता कपडा सहयोग गरिएको हो।

    दूतावासका उपप्रमुख ज्ञानबहादुर मगरले दक्षिण अफ्रिकाको सामाजिक विकास विभागकी उपप्रमुख क्याथे मातामेलालाई सहयोग सामग्री हस्तान्तरण गरेका हुन्।



    कार्यक्रममा बोल्दै नियोग उपप्रमख मगरले बाढी पहिरोमा परी ज्यान गुमाउनेप्रति गहिरो समवेदना र घाइतेहरूको शीघ्र स्वास्थ्य लाभको कामना व्यक्त गरेका थिए। २०७२ को महाभूकम्पमा अफ्रिकाबाट नेपाललाई आएको सहयोगको स्मरण गर्दै उनले अहिलेको सहयोग एक मित्रका लागि अर्को मित्रका तर्फबाट सहयोग भएको बताए।

    विभागकी उपप्रमुख मातामेलाले आवश्यक परेका बेला सहयोग गरेकोमा नेपाल र दक्षिण अफ्रिकास्थित नेपाली समुदायलाई आभार व्यक्त गरिन्। नेपालले दिएको सहयोगमा चामल, पिउने पानी, ब्लांकेट, तेल, दूध, जुसलगायत दैनिक उपभोग्य वस्तु छन्।

    वैशाख पहिलो साता दक्षिण अफ्रिकाको क्वाजुलु(नातान प्रान्तलगायत ठाउँमा आएको बाढीको बाढी पहिरोमा परी ४३५ जनाले ज्यान गुमाएका थिए भने लाखौं मानिस विस्थापित भएका छन्।

    सम्बन्धित विषय
    प्रतिक्रिया
    नयाँ अपडेट
    अन्य समाचार