तनहुँ । तनहुँको व्यास नगरपालिका वडा नम्बर ८ रिस्तीमा फेरि मतदान हुने भएको छ । मतदान रद्ध गरी आउँदो जेठ ४ गते पुनः मतदान गर्न निर्देशन आएको मुख्य निर्वाचन अधिकृतको कार्यालयले जनाएको छ ।

शुक्रबार मतदानको क्रममा नेकपा एमालेको जोशी समूहको स्वतन्त्र उम्मेदवार दीपकराज जोशीमाथि कुटपिट भएको थियो । घट्ना पश्चात् जोशी समूहले संयुक्त विज्ञप्ती जारी गरी मतदान रद्ध गर्न माग गरेको थियो ।

सोही अनुरुप निर्वाचन कार्यालयबाट (क) र (ख) दुवै मतदान केन्द्रमा भएको मतदान रद्ध गरिएको हो ।

मुख्य निर्वाचन अधिकृतको कार्यालयका अनुसार अगामी बुधबार विहान ७ बजेबाट अपराह्न ५ बजेसम्म मतदान हुनेछ। विवादित बनेको उक्त मतदान केन्द्रमा शुक्रबार ९२२ मत खसेको थियो ।