काठमाडौं । श्रीलंकामा भिषण बाढी आउँदा ६०० भन्दा बढी परिवार प्रभावित भएका छन् । शनिबारदेखि जारी रहेको अविरल वर्षाका कारण श्रीलंकामा भीषण बाढी आएको त्यहाँका स्थानीय सञ्चारमाध्यमहरुले जनाएका छन् ।

सो बाढीपछि श्रीलंकाका विभिन्न स्थानमा पहिरोसमेत गरेको छ । राजधानी कोलम्बोबाट दक्षिणमा रहेको रतनपूरा जिल्लामा बाढीको प्रकोप बढी देखिएको छ ।

यस प्रकोपमा परेर ६०० भन्दा बढी परिवारका २ हजार २९० जना विस्थापित भएका छन् ।

यहाँका मौसमसम्बन्धी अधिकारीले वर्षा अझै जारी रहने भएकाले सतर्कता अपनाउन भनेका अन्तर्राष्ट्रिय सञ्चारमाध्यमहरुले जनाएका छन् ।

रतनपूरा जिल्लाका ८२ भन्दा बढी घर भत्किएका छन् भने अरु भौतिक संरचनामा पनि बाढीले क्षति पुर्‍याएको छ ।