धनगढी । कैलालीको धनगढीस्थित एक किराना पसलमा आगलागी हुँदा ५ लाख बराबरको क्षति भएको छ ।

बुधवार दिउँसो धनगढी उपमहानगरपालिका–२ कृष्णनगरमा साधुराम यादवले सञ्चालन गरेको ‘कविल किराना पसल’मा आगलागी भएको हो ।

आगलागीबाट ५ लाख बराबरको किराना सामान जलेर नष्ट भएको सञ्चालक यादवले बताए । विद्युत सर्ट भएर आगो लागेको अनुमान गरिएको छ ।

स्थानीयको सहयोगमा दुई घण्टापछि आगो नियन्त्रणमा आएको थियो ।