काठमाडौं । भरतपुर महानगरपालिकामा माओवादी केन्द्रकी उम्मेदवार रेनु दाहालले अग्रता बढाउँदै लगेकी छन् ।

उनी २ हजार ५८ मतान्तरले अगाडि छिन् । हालसम्म ३० हजार ७४८ मत गणना हुँदा माओवादीकी रेनुले ११ हजार २८८ मत पाएकी छिन् ।

उनका प्रतिस्पर्धी नेकपा एमालेका उम्मेदवार विजय सुवेदीले ९ हजार २३० मत पाएका छन् ।

भुइँकटहर चुनाव चिन्ह लिएर चुनावी मैदानमा उत्रिएका नेपाली कांग्रेसका वागी उम्मेदवार जगन्नाथ पौडेलले ५ हजार ३१ मत ल्याए ।