काठमाडौं । बैंकिङ कसूर मुद्दाका फरार २ प्रतिवादीहरू पक्राउ परेका छन् ।

पक्राउ पर्नेमा धरान घर भई काठमाडौंको बानेश्वर बस्ने ४२ वर्षीया कविता सुब्बा र सिन्धुपाल्चोक, घर भई बानेश्वर बस्ने ३९ वर्षीया लिना श्रेष्ठ गिरी रहेका छन् ।

उनिहरुलाई बैंकिङ कसूर मुद्दामा उच्च अदालत पाटनबाट १५ दिन कैद साथै सुब्बालाई ५० लाख जरिवाना र गिरीलाई ५३ लाख जरिवानाको सजाय सुनाएको थियो ।

२०७६ साल देखि फरार रहेका दुवैजनालाई काठमाडौंको विभिन्न ठाँउबाट पक्राउ गरि काठमाडौं जिल्ला अदालतमा पेश गरेको प्रहरी प्रधान कार्यालय, केन्द्रीय अनुसन्धान ब्यूरोले जनाएको छ ।