बझाङ । बझाङमा बालिकालाई बलात्कार गरेको आरोपमा शिक्षक पक्राउ परेका छन् ।

जिल्लाको केदारस्यु गाउँपालिकास्थित सुर्मा माध्यमिक विद्यालयका शिक्षक रमेश गुर्धामी बलात्कार आरोपमा पक्राउ परेको प्रहरीले जनाएको छ ।

असार ८ गते राति विवाहको कार्यक्रममा सहभागी भएर सुतिरहेकी ८ वर्षीया बालिकालाई गुर्धामीले बलात्कार गरेको आरोप छ ।

बालिकाले उक्त कुरा घरमा भनेपछि १० गते प्रहरीमा जाहेरी परेको जिल्ला प्रहरी कार्यालय बझाङले जनाएको छ । उनीमाथि अदालतबाट म्याद थप गरी अनुसन्धान भइरहेको बताइएको छ ।