कास्की। साइबर अपराधसंग जोडिएका गतिविधि भइरहेको आशंकामा जिल्ला प्रहरी कार्यालय कास्कीको टोलीले चिनियाँ नागरिकले चलाएको एक कम्पनीमा छापा मारेको छ ।

कम्पनीमा कार्यरत तीन जना चिनियाँ र ७५ नेपाली नागरिकमाथि सोधपुछ भैरहेको कास्की प्रहरी प्रमुख एसपी रमेश थापाले जानकारी दिए ।

पोखरा–१७, ड्यामसाइटमा घर भाडामा लिएर उनीहरुले अवैध गतिविधि गरिरहेको प्रहरीको आरोप छ । उनीहरुको गतिविधिबारे जानकारी लिने काम भइरहेको प्रहरीले जनाएको छ ।

नेपालमा बसेर चिनियाँ नागरिकले साइबर अपराध र ठगीजन्य गतिविधि गरिरहेको सूचना प्रहरीलाई छ ।