काठमाडौं । काठमाडौं महानगरपालिकामा मकै बेच्दै हिँडेकी एक महिलाको ठेलालाई नगर प्रहरीले नियन्त्रणमा लिएपछि मेयर बालेन्द्र शाह (बालेन)को विरोध हुन थालेको छ ।

महानगरको वडा नम्बर ४ महाराजगञ्जमा शुक्रवार दिउँसो मकै बेच्ने महिलामाथि नगर प्रहरीले लछारपछार गर्दै ज्यादती गरेपछि मेयर शाहको सर्वत्र विरोध हुन थालेको हो ।

ठेलामा राखेर मकै बेच्दै हिँडेकी ती महिलाको ठेला नगर प्रहरीले नियन्त्रणमा लिएको थियो । आफ्नो ठेला प्रहरीले उठाएपछि महिलाले हार गुहार गरेको भिडिओ सामाजिक सञ्जालमा भाइरल बनेको छ ।

भिडिओ भाइरल भएपछि अहिले नगर प्रहरी र मेयर शाहको चर्को आलोचना भइरहेको छ । उक्त भिडिओमा महिलाले हार गुहार गरेपनि नगर प्रहरीले उनलाई नै सडकमा लछारपछार गरेको देखिन्छ ।

This is such a sad scene !!! Right now at Baluwatar. Is this the long-term solution for street vendors?? #KathmanduTales pic.twitter.com/38TMca1pWe

— Shristi Kafle (@KafleShristi) July 1, 2022