काठमाडौं । लैनचौरस्थित भारतीय दूतावासमा कार्यरत भारतीय सुरक्षागार्डले ड्युटी समयमै आफैंलाई गोली हानी आत्महत्या गरेका छन् ।

दूतावासको सुरक्षार्थ खटिएका सुरक्षा गार्ड ३२ वर्षीय दीपक सिंहले आफूसँग रहेको इन्सास राइफलले आफैंलाई गोली हानेर आत्महत्या गरेका हुन् ।

घटनाबारे सूचना पाएलगत्तै काठमाडौं उपत्यका अपराध अनुसन्धान कार्यालयले त्यसबार बुझ्न खोजेपनि घटनास्थल दूतावासभित्रै भएका कारण भारतीय पक्षले नै त्यसको अनुसन्धान गरी शव व्यवस्थापन गर्ने तयारी गरेको जनाएपछि प्रहरी फर्किएको बुझिएको छ ।

उनको शव पोस्टमार्टमका लागि त्रिवि शिक्षण अस्पताल लगिएको छ ।