Online Nepal
  • शुक्रबार, १६ चैत्र २०८०
  • परीक्षाफल ढिलो हुँदा अन्योलमा विद्यार्थी

    परीक्षाफल ढिलो हुँदा अन्योलमा विद्यार्थी

    अनलाइन नेपाल
  • आइतबार, १५ साउन २०७९
  • 759
    SHARES

    विराटनगर । त्रिभुवन विश्वविद्यालयअन्तर्गतको परीक्षा नियन्त्रण कार्यालयले २०७८ सालको साउन महिनामा सञ्चालन गरेको परीक्षाको परिणाम अझै प्रकाशित नगर्दा विद्यार्थी अन्योलमा परेका छन्।

    परीक्षा नियन्त्रण कार्यालयले २०७७ सालको वार्षिक परीक्षा प्रणालीअन्तर्गत ४ वर्षे र ३ वर्षे स्नातक तह प्रथम वर्षको मानविकी, शिक्षाशास्त्र, विज्ञान र प्रविधि, व्यवस्थापन सङ्कायको परीक्षाफल प्रकाशनमा ढिलाइ गर्दा हजारौँ विद्यार्थीमा निराशा बढेको छ।



    नियमित प्रक्रियाअन्तर्गत ढिलोमा चार महिनाभित्रमा प्रकाशित हुनपर्ने परीक्षाफल वर्ष दिन बित्दासमेत प्रकाशित नगरिँदा उज्ज्वल भविश्यको कल्पना गरिरहेका विद्यार्थीमा तनाव बढाएको हो।



    शैक्षिक सत्र २०७६/०७७ सालको स्नातक तहअन्तर्गत प्रथम वर्षको परीक्षामा सहभागी भएका विद्यार्थीले अहिले भर्खरै मात्र दोस्रो वर्षको परीक्षामा सहभागिता जनाइरहेका छन् तर पहिलो वर्षको परीक्षाफल प्रकाशित नहुँदा अबको तयारी के गर्ने भन्ने दुविधा बढेको छ। गोरखापत्र दैनिकबाट

    सम्बन्धित विषय
    प्रतिक्रिया

    Leave a Reply

    Your email address will not be published. Required fields are marked *

    नयाँ अपडेट
    अन्य समाचार