काठमाडौं । पूर्वप्रधानमन्त्री एवम् नेपाल समाजवादी पार्टी (नेसपा) का अध्यक्ष डा. बाबुराम भट्टराईले वर्षा याममा काठमाडौंमा हप्तौंदेखि फोहोर व्यवस्थापन नहुनु अत्यन्त गम्भीर विषय भएको बताएका छन् ।
शनिवार राति सामाजिक सञ्जाल ट्वीटरमा एक भिडियो शेयर गर्दै डा. भट्टराईले तीन वटै सरकारले सार्वजनिक स्वास्थ्यमाथि अपराधिक खेलवाड गरिरहेको आरोप लगाएका हुन् ।
उनले राज्यका तीन वटै तहले सार्वजनिक स्वास्थ्य र मुलुकको छविमाथि अपराधिक खेलवाड गरिरहेको समेत बताए । तीनै तहले एकअर्काप्रति दोषरोपण गरेर पन्छिने होइन, सहकार्य गरेर फोहोरको समस्या तुरुन्त समाधान गर्न उनले माग गरे ।
उनले ट्वीटरमा लेखेका छन् ‘बर्षा/गर्मी याममा राजधानीमा हप्तौंदेखि फोहरव्यवस्थापन नहुनु अत्यन्त गम्भीर विषय हो ! राज्यका तीनवटै तहले सार्वजनिक स्वास्थ्य र मुलुकको छवीमाथि यस्तो अपराधिक खेलवाड गर्न मिल्दैन। तीनै तहले एकअर्काप्रति दोषारोपण गरेर पन्छिने हैन सहकार्य गरेर तुरून्त समाधान गर।’
बर्षा/गर्मी याममा राजधानीमा हप्तौंदेखि फोहरव्यवस्थापन नहुनु अत्यन्त गम्भीर विषय हो!राज्यका तीनवटै तहले सार्वजनिक स्वास्थ्य र मुलुकको छवीमाथि यस्तो अपराधिक खेलवाड गर्न मिल्दैन।तीनै तहले एकअर्काप्रति दोषारोपण गरेर पन्छिने हैन सहकार्य गरेर तुरून्त समाधान गर।pic.twitter.com/HusLtJ8MBb
— Baburam Bhattarai (@brb1954) August 13, 2022
Leave a Reply