काठमाडौं । एमालेका अध्यक्ष केपी शर्मा ओलीले कांग्रेस सहयोगीबिना एक्लै अघि बढ्न नसक्ने अवस्थामा पुगेको बताएका छन् ।

काठमाडौंमा आयोजित एक कार्यक्रममा सम्बोधन गर्दै ओलीले यस्तो बताएका हुन् ।

उनले भने,‘कांग्रेस ढोडको भए पनि लौरो नसमाति उभिनै नसक्ने भयो । एमालेसँग अखडामा कांग्रेस टिक्नै सक्दैन । कांग्रेस पाँच(सातवटा साथी नलिइकन उभिनै सक्दैन । विचारशून्य छ । कहाँ जाने थाहा छैन ।’

कांग्रेस विचारशून्य रहेको र एमालेलाई रोक्ने नीति,कार्यक्रममा कांग्रेस रहेको ओलीले बताए ।

कांग्रेसको नीति कार्यक्रम नै गठबन्धन रहेको र त्यसको उद्देश्य एमालेलाई रोक्ने रहेको ओलीको भनाइ थियो ।