काठमाडौं । पछिल्लो २४ घण्टामा थप ८५२ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ६ हजार ८८३ जनाको परीक्षणमा ८५२ जनामा संक्रमण पुष्टि भएको हो ।

स्वास्थ्य मन्त्रालयका अनुसार ३ हजार ८७६ जनाको पीसीआर परीक्षण गर्दा ५३१ जना र २ हजार ५०७ जनाको एन्टिजेन परीक्षण गर्दा ३२१ जनामा संक्रमण देखिएको मन्त्रालयको भनाइ छ ।

बुधवार देशभर ५ हजार ४६२ जना सक्रिय संक्रमित रहेका छन् । जसमध्ये ५९ जना आईसीयू र ७ जना भेन्टिलेटरमा रहेका छन् । पछिल्लो २४ घण्टामा ३२८ जना संक्रमणमुक्त भएका छन् ।