काठमाडौं । नेकपा एकीकृत समाजवादीले ४ मंसिरमा हुने स्थानीय तह निर्वाचनका लागि उम्मेदवार छनोट गर्न ७ वटा मापदण्ड बनाएको छ ।

१ भदौमा बसेको केन्द्रीय सचिवालयको बैठकले ७ वटा मापदण्ड तयार गरेको महासचिव बेदुराम भूसालले जानकारी दिए ।

४ मंसिरमा हुने निर्वाचनका लागि नेकपा एकीकृत समाजवादीले २० भदौभित्र उम्मेदवार छनोट गरिसक्ने कार्यतालिका बनाएको छ ।

पार्टीको सचिवालय बैठकले प्रतिनिधिसभा र प्रदेशसभा निर्वाचन क्षेत्रको समन्वय कमिटीले १० भदौभित्र जिल्ला कमिटीमा उम्मेदवारको नाम सिफारिस गरिसक्ने कार्यतालिका बनाएको छ।

एकीकृत समाजवादीले बनाएको मापदण्ड यस्तो छ :

क. पार्टीको कार्यदिशा, नीति र कार्यक्रमप्रति प्रतिवद्ध रहेको ।
ख. विद्रोहमा सक्रिय भूमिका खेलेका र पार्टी निर्माणमा योगदान गरेको ।
ग. पार्टी र क्रान्तिप्रतिको निष्ठा र अनुशासनमा दृढ ।
घ. आर्थिक एवं नैतिक आचरण राम्रो रहेको ।
ङ. जनतामा स्थापित र लोकप्रिय ।
च. स्वच्छ छवि भएको र सुशासनको पक्षपाती ।
छ. कार्यक्षमता राम्रो भएको र सक्रिय ।
ज. समावेशीताको सिद्धान्त विपरीत नहुने ।