काठमाडौं । आउँदो निर्वाचनका लागि सिट बाँडफाँटको टुंगो लगाउन बसेको सत्तारुढ दलका शीर्ष नेताहरुको बैठक पनि निष्कर्षविहीन भएको छ ।

शनिबार बालुवाटारमा सिट बाँडफाँटका लागि बनेको कार्यदलका नेताहरूलाई राखेर गठबन्धनका शीर्ष नेता छलफलमा जुटेका थिए । तर पनि सिट संख्या टुंगो लगाउन असफल भएका छन् ।

बैठकमा कुनै सहमति नजुटी बैठक सकिएको हो । बैठक भोलि बिहान ८ बजे पुनः बस्नेछ । आजको बैठकमा उपन्द्र यादव उपस्थित भएका थिएनन् ।

कार्यदलले यसअघि नै प्रतिवेदन बुझाइसकेको छ। तर, प्रतिवेदनमा सबै सहमति नजुटेकाले त्यसलाई अन्तिम रूप दिन शीर्ष नेताहरू नै अघि सर्नुपर्ने अवस्था आएको हो ।