काठमाडौं । प्रतिनिधि सभाको कार्यकाल सकिने अघिल्लो दिन नेकपा एमालेले आफ्ना सांसदलाई धन्यवाद ज्ञापन गरेको छ ।

संसद भवन नयाँ बानेश्वरमा बसेको संसदीय दलको अन्तिम बैठकमा अध्यक्ष केपी ओलीले सांसदहरूलाई धन्यवाद ज्ञापन गरेका हुन् ।

संसदमा खेलेको भूमिकाप्रति धन्यवादसहित ओलीले चुनावको तयारीमा लाग्न सांसदहरूलाई निर्देशन दिए ।

संसदीय दलको अन्तिम बैठकपछि एमाले सांसदहरूले सामूहिक फोटो खिचाएका छन् ।

प्रतिनिधि सभामा एमालेका ९१ सांसद थिए । प्रतिनिधि सभाको कार्यकाल शनिवार मध्यरातबाट अन्त्य गर्ने तयारी सरकारले गरेको छ ।