काठमाडौं । समानुपातिक बन्दसूचीमा प्रधानमन्त्री शेरबहादुर देउवाले एकलौटी गरेको भन्दै शेखर काेइराला समूहले धर्ना दिएको छ ।

पार्टी कार्यालय सानेपामा कोइराला समूहले समानुपातिक बन्दसूची सच्याउनु पर्ने माग राख्दै धर्ना दिएको हो ।

आफ्नो पक्षलाई प्रत्यक्षतर्फ न्यायोचित सिट दिन माग गर्दै आज दिउँसो १ बजेदेखि धर्ना सुरू भएको हो। धर्ना २ बजेसम्म चल्नेछ।

संस्थापन पक्षले समानुपातिक बन्दसूची बनाउँदा एकलौटी गरिएको भन्दै कोइराला पक्ष गत शुक्रबारदेखि आन्दोलित छ ।

शनिबार खबदारीसभा गरेको उक्त समूहले आन्तरिक छलफल पनि गरिरहेको छ । समानुपातिक बन्दसूची नसच्चिए निर्वाचन बहिस्कारसम्म जाने कोइराला पक्षको चेतावनी छ ।