धनगढी । सुदूरपश्चिमका सात पहाडी जिल्लामा विद्युत आपूर्ति अवरुद्ध भएको छ ।

कैलालीको गोदवरीमा रहेको विद्युतको टावर ढलेपछि आइतबार बेलुकीदेखि आपूर्ति बन्द भएको हो ।

बिजुली नहुँदा सात पहाडी जिल्लाका स्थानीयको जनजीवन प्रभावित भएको छ ।

विद्युत नहुँदा सोमबार सेवा प्रदायक निकायबाट प्रदान हुने सेवा प्रवाहमा समेत समस्या आएको छ ।

विद्युत आपूर्ति गर्न वैकल्पिक व्यवस्था गर्ने काम भइरहेको विद्युत प्राधिकरण सुदुरपश्चिम प्रदेश कार्यालय अत्तरियाले जनाएको छ ।