काठमाडौं । अखिल (क्रान्तिकारी)ले १६ महिनाअघि लिइएको स्नातक तह प्रथम वर्षको परीक्षाको नतिजा प्रकाशन गर्न सात दिनको अल्टिमेटम दिएको छ ।
परीक्षा नियन्त्रक पुष्पराज जोशीलाई बिहीबार ज्ञापन पत्र बुझाउँदै अखिल क्रान्तिकारीका संयोजक पवन कार्कीले एक साताभित्र ९ वटा माग पूरा नगरे आन्दोलन गर्ने चेतावनी दिएका छन्।
‘एक साताभित्र माग पूरा गर्न नसके विश्वविद्यालय र परीक्षा नियन्त्रण कार्यालयका पदाधिकारीहरू असक्षम भएको घोषणा गरी अखिल क्रान्तिकारी सशक्त आन्दोलनमा जान बाध्य हुनेछ,’ ज्ञापन पत्रमा भनिएको छ।
परीक्षा भएको डेढ वर्षसमम्म पनि रिजल्ट नगरेर त्रिविले विद्यार्थीको भविष्यमाथि खेलवाड गरेको र त्रिविकै साख गिराएको आरोप पनि अखिल क्रान्तिकारीको छ।
Leave a Reply