काठमाडौं । आईएसएमटी कलेजले पहिलो पटक आयोजना गरेको ‘आईएसएमटी जब फेयर २०२२’ मा १४ वटा कम्पनी सहभागी भएका छन् ।

विजिनेस र आईटीका विद्यार्थीलाई केन्द्रित गरेर पहिलोपटक ‘आईएसएमटी जब फेयर २०२२’ आयोजना गरिएको कलेजले जनाएको छ ।

विद्यार्थीलाई पढाइ मात्रै नभएर पढेका कुरालाई व्यवहारिक ज्ञानमा उतार्ने अवसर दिन फेयरको आयोजना गरिएको कलेजले जनाएको छ ।

जब फेयरमा डिसहोम, सेलकम, सिप्रदी, सजिलो सेवा, पीटेक, नारायणी अटो विजनेस, फुडमाण्डु, एफआईसफ्ट, लिपफ्रग, मेगाटेक, सोर्सकोड, एबीसी र सेल्सबेरी गरी १३ वटा कपनीले सहभागिता जनाएका थिए ।

त्यसैगरी फेयरमा कलेजले आफ्नो पनि एउटा स्टल राखेको थियो ।

यसमा विभिन्न कम्पनीबाट आएका प्रतिनिधिले विद्यार्थीको अन्तर्वार्ता लिएका थिए। कार्यक्रममा अन्तिम वर्षका विद्यार्थीलाई केन्द्रित गरिएको कलेजको भनाई छ ।

कलेजमै जागिरको अवसर भएकाले बाहीरबाट ल्याउनु भन्दा आफ्नै विद्यार्थीलाई अवसर दिन फेयर आयोजना गरिएको पनि कलेजले जनाएको छ ।