काठमाडौं । प्रतिनिधिसभा र प्रदेशसभा सदस्य निर्वाचन नतिजा आउने क्रम अन्तिम चरणमा पुगेसँगै निर्वाचन आयोगले नतिजासहितको प्रतिवेदन प्रमाणीकरणका लागि राष्ट्रपतिलाई बुझाउने तयारी थालेको छ ।
मंसिर ४ मा भएको प्रतिनिधि सभा र प्रदेश सभा सदस्यको प्रत्यक्षतर्फको नतिजा आइसकेपनि समानुपातिकतर्फको तीन जिल्लाको मत गणना जारी रहेकाले सोमबार राति १२ बजेसम्म गणना सक्न सम्बन्धित निर्वाचन अधिकृतहरूलाई निर्देशन दिएको छ ।
७ दिनसम्मको समय दिन मिल्ने भएपनि समानुपातिककाे अन्तिम नतिजा आउनेवित्तिकै आयोगले राजनीतिक दलहरुलाई समानुपातिकमा निर्वाचित हुने नाम ३ दिनभित्र पठाउन म्याद दिने भएको छ ।
प्रतिनिधिसभामा नेपाली कांग्रेस ५७, एमाले ४४, माअाेवादी केन्द्र १८, एकीकृत समाजवादी १०, राष्ट्रिय प्रजातन्त्र पार्टी ७ र राष्ट्रिय स्वतन्त्र पार्टी (रास्वपा) ७, जनता समाजवादी पार्टी (जसपा) ७, नागरिक उन्मुक्ति ३, नेकिमपा १ सिटमा जीत हासिल गरेका छन् ।
Leave a Reply