एजेन्सी । युगान्डाको राजधानी कम्पालामा नयाँ वर्षका अवसरमा आयोजित कार्यक्रममा भागदौड मच्चिँदा नौ जनाको मृत्यु भएको छ ।

नयाँ वर्षमा आयोजित सङ्गीत कार्यक्रममा सहभागी भएका कैयौँ किशोरीहरू भागदौडमा घाइतेसमेत भएको प्रहरीले जनाएको छ ।

उक्त घटना मध्यरातमा भएको थियो ।

कार्यक्रमका उद्घोषकले उपस्थित व्यक्तिहरूलाई आतिशबाजी गर्न प्रोत्साहित गरेपछि भागदौड मच्चिएको बताइएको छ ।