काठमाडौं । नेकपा (एकीकृत समाजवादी) का सांसद प्रकाश ज्वालाले सिंहदरबारभित्र आम सर्वसाधारणलाई सहज भित्र छिर्न पाउनुपर्ने भन्दै सभामुखसँग रुलिङ माग गरेका छन् ।

शुक्रबार बसेको प्रतिनिधि सभाको बैठकमा सांसद ज्वालाले सांसदहरू र उनीहरूका आफन्तहरू मात्रै छिर्न पाउने व्यवस्थाको अन्त्य गरी सेवा लिन मन्त्रालय धाउने सबै सर्वसाधारणलाई सिंहदरबार छिर्न पाउने व्यवस्था गर्न माग गरे ।

‘हामी सुशासन र जवाफदेशिताको कुरा गर्छौं। तर, जनातालाई प्रताडित गरिरहेका छौं’ सांसद ज्वालाले भने, ‘यसकारण सभामुखबाट आजै रुलिङ हुनुपर्यो कि सिंहदरवारभित्र जनता सहज रुपमा प्रवेश गर्न पाउने व्यवस्था गरियोस् ।’