काठमाडौं । नेपाली चलचित्र ‘छक्का पञ्जा–४’ले चार दिनमा ६ करोड रुपैयाँ ग्रस कलेक्सन गरेको छ ।

गत शुक्रबार रिलिज भएको चलचित्रले सोमबारसम्म चार दिनमा सात करोडभन्दा माथि ग्रसकलेक्सन गरेको हो ।

सुरुवाती दुई दिनमा तीन करोड कमाएको फिल्मले सोमबार होलीको बिदामा डेढ करोडभन्दा बढी ग्रस कमायो ।

आइतबार मात्रै फिल्मको कमाइ झण्डै एक करोड हाराहारीमा रह्यो । वितरण कम्पनी ब्यांकटेसले चार दिनमा फिल्मको कमाइ झण्डै ६ करोड हाराहारीमा रहेको जनाएको छ ।

१४० हलमा प्रदर्शन भइरहेको फिल्म ‘छक्का पञ्जा–४’ मा दीपकराज गिरी, केदार घिमिरे, बुद्दि तामाङ, दीपाश्री निरौलालगायत कलाकार मुख्य भूमिकामा छन् ।