काठमाडौं । सञ्चार तथा सूचना प्रविधिमन्त्री रेखा शर्माले संसदमा महिलाहरुको भूमिकाबारे उल्लेखनीय चर्चा हुन नसकेकोप्रति गुनासो गरेकी छन् ।

सोमबार काठमाडौंमा आयोजित एक कार्यक्रमलाई सम्बोधन गर्दै उनले संसदमा महिलाहरुले निभाएको भूमिकाको चर्चा हुन नसकेको बताएकी हुन् ।

उनले भनिन्,‘संसदमा कोरम पुर्‍याउने सवालमा महिलाहरुको उपस्थिति महत्वपूर्ण रहे पनि त्यसको बाहिरी पक्षमा मूल्यांकन भएको छैन ।’

मन्त्री शर्माले पुरुष असफल हुन भनेको एउटा व्यक्ति मात्रै असफल हुनु रहेको तर महिलाहरु असफल हुँदा समाज नै असफल हुने भन्दै अवसर पाएका महिलाहरुलाई असफल हुने छुट नभएको बताईन् ।