काठमाडौं । सशस्त्र प्रहरी बल नेपालको प्रवक्ताको जिम्मेवारी सशस्त्र प्रहरी वरिष्ठ उपरीक्षक राजेन्द्र खड्कालाई दिइएको छ ।

यसअघि प्रवक्ता रहेका सशस्त्र प्रहरी नायव महानिरीक्षक पुरुषोत्तम थापाको सशस्त्र प्रहरी बल नेपाल नम्बर ९ पशुपतिनाथ बाहिनी मुख्यालय काठमाडौंमा सरुवा भए पश्चात् वरिष्ठ उपरीक्षक खड्कालाई जिम्मेवारी दिइएको हो ।

सशस्त्र प्रहरी नायब उपरीक्षक एवम् सहायक प्रवक्ता शैलेन्द्र थापाले प्रवक्ता एवम् सूचना अधिकारीको जिम्मेवारी वरिष्ठ उपरीक्षक खड्कालाई दिइएको जानकारी दिए ।

प्रवक्ता खड्काले संगठनसँग सम्बन्धित सूचना तथा जानकारी, संगठनको कार्यक्षेत्र भित्रका समाचारहरु तथा संगठनबाट सम्पादन भएका जनसरोकारका विषयहरु लगायतका विभिन्न सूचनाहरु प्रवाह गर्ने सशस्त्रले जनाएको छ ।