काठमाडौं । नेकपा एकीकृत समाजवादीका केन्द्रीय उपाध्यक्ष केदारप्रसाद न्यौपाने नेकपा एमालेमा फर्किएका छन् ।
केही समयअघि नेकपा एसको पार्टीले लिएको नीति र कार्यदिशाप्रति असहमति जनाउँदै राजीनामा दिएका न्यौपाने एमालेमा समाहित भएका हुन् ।
एमाले केन्द्रीय कार्यालय च्यासलमा अध्यक्ष केपी शर्मा ओलीले न्यौपानेलाई एमालेमा स्वागत गरेका हुन् ।
सो अवसरमा महासचिव शंकर पोखरेल, उपमहासचिव प्रदीप ज्ञवाली, विष्णु रिमाललगायतका नेताहरूले पनि उपस्थिती थियो ।
उनी एमाले-माओवादी केन्द्र एकतापछि बनेको नेकपामा पोलिटब्युरो सदस्य थिए।
एमालेमा २०४५ सालदेखि केन्द्रीय सदस्यको भूमिका निर्वाह गरेका न्यौपाने एमालेमा अन्तरविरोध चर्किएपछि बनेको एकीकृत समाजवादीमा उपाध्यक्ष बनेका थिए।
Leave a Reply