काठमाडौं । राजधानीमा जारी सहीद स्मारक ‘ए’ डिभिजन लिग फुटबलमा मंगलबार चार खेल हुदैँछन् ।

दोस्रो लेगको १२ औं चरण अन्तर्गत आज दुई खेल त्रिपुरेश्वरस्थित दशरथ रंगशालामा हुनेछ । त्यस्तै एक खेल च्यासल र एक खेल एन्फा कम्प्लेक्समा हुनेछ ।

दशरथ रंगशालामा हुने पहिलो खेलमा चर्च ब्वाईज र थ्रि–स्टार क्लबका बिचमा प्रतिस्पर्धा हुनेछ । यी दुई टोलीबीचको खेल दिउँसो ३ बजेदेखि सुरु हुने छ ।

त्यस्तै, सोही रंगशालामा साँझ ६ बजे हुने दोश्रो खेलमा सातदोबाटो र जावालाखेल युथ क्लबबीच प्रतिस्पर्धा हुनेछ ।

यस्तै च्यासलमा एफसी खुमलटार र एपीएफ क्लबबीच प्रतिस्पर्धा हुनेछ । खुमलटार र एपीएफबीचको खेल दिउँसो ३ बजे सुरु हुनेछ ।

उता, एन्फा मैदानमा त्रिभुवन आर्मी क्लब र नेपाल पुलिस क्लबको बिचको खेल पनि ३ बजे नै हुनेछ ।