काठमाडौं । सहीद स्मारक ‘ए’ डिभिजन लिग फुटबलमा अन्तिम स्थानको खुमलटार युथ क्लबलले विभागीय टिम एपीएफलाई पराजित गरेको छ ।

मंगलबार च्यासल मैदानमा भएको खेलमा खुमलटारले एपीएफलाई ३–१ गोलअन्तरले हराएको हो ।

पहिलोपल्ट ए डिभिजन लिग खेलेको खुमलटार एपीएफलाई पराजित गरेपछि लिग तालिकाको अन्तिम स्थान छाडेको छ ।

२५ खेलबाट उसको २७ अंक भएको छ । एक खेल कम खेलेको फ्रेण्ड्स क्लबको २६ अंक छ ।

खुमलटारका लागि मेसुकेले पहिलो हाफमा दुई गोल गरे । स्टेफन समिरले दोस्रो हाफमा गोल गर्दै खुमलटारलाई ३–० को अग्रता दिलाए । एपीएफका लागि सनिश श्रेष्ठले एक गोल फर्काए ।