एजेन्सी । फ्रान्सेली फरवार्ड करिम बेन्जिमा साउदी अरबको प्रो लिग क्लब अल इतिहादमा अनुबन्धित भएका छन् ।

रियल मड्रिडबाट बाहिरिएपछि ३५ वर्षीय बेन्जिमाले इतिहादसँग तीन वर्षको सम्झौता गरेका हुन् । बेन्जिमाले १४ वर्षपछि रियल छाडेका थिए ।

बालोन डीओर विजेता बेन्जिमा सन् २००९ मा लियोनबाट रियल आएका थिए । बेन्जिमाले रियलबाट पाँच च्याम्पियन्स लिग र चार ला लिगा उपाधि जितेका छन्।

रियलमा ४ सय ५० गोल गरेका क्रिस्टियानो रोनाल्डो अर्को साउदी क्लब अल–नासरबाट खेल्छन् ।