अनलाइन नेपाल
काठमाडौं । नेपाल शिक्षक महासंघको अगुवाइमा राजधानीमा भएको प्रदर्शनका कारण उपत्यकाको यातायात व्यवस्था अस्तव्यस्त बनेको छ।
माइतीघर वानेश्वर सडक ढाकेर उनीहरूले आज पनि आन्दोलनलाई निरन्तरता दिएपछि उपत्यकाको ट्राफिक व्यवस्था अस्तव्यस्त भएको हो ।
ट्राफिक प्रहरीले बानेश्वर र आसपास भएर चल्ने सवारीलाई डाइभर्ट गरेको छ । यसका कारण हरेकजसो चोकमा लामो जाम लागेको छ ।
आज बिहान उपप्रधान तथा गृहमन्त्री नारायणकाजी श्रेष्ठको पहलमा शिक्षक नेतृत्वसँगको वार्ता निष्कर्षविहीन टुंगिएको थियो ।
विभिन्न जिल्लाबाट शिक्षक-शिक्षिका आन्दोलनका लागि काठमाडौं आएका छन् । सामुदायिक विद्यालयहरुको छाता संगठन नेपाल शिक्षक महासंघको आह्वानमा यो आन्दोलन सुरू भएको हो ।
महासंघले देशभरका सबै सामुदायिक विद्यालयहरु बन्द गराएको छ । आन्दोलनकै कारण सडकमा ट्राफिक व्यवस्थापन गर्न हम्मेहम्मे परेको छ । संसद्मा दर्ता विद्यालय शिक्षा विधेयकविरुद्ध देशभरका शिक्षकले बुधबारदेखि काठमाडौंमा आन्दोलन थालेका हुन् ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
