काठमाडौं । दक्षिण भारतीय सुपरस्टार अल्लु अर्जुनको फिल्म ‘पुष्पा २: दर रुल’ को रिलिज हुने मिति सार्वजनिक गरिएको छ । ‘पुष्पा-२’ भारतीय स्वतन्त्रता दिवसको अवसर पारेर १५ अगस्ट २०२४ का दिन रिलिज हुने भएको हो ।

हालै मात्र निर्माण पक्षले ‘पुष्पा २’ बाट अल्लु अर्जुनको फर्स्ट लुक पोस्टर सेयर गर्दै दर्शकको हौसला बढाएको छ ।

‘पुष्पा द राइज’ सन् २०२१ मा रिलिज भएको थियो। यो फिल्ममा अल्लु अर्जुन चन्दन तस्करको भूमिकामा देखिएका थिए। फिल्ममाअल्लु अर्जुनको साथमा रश्मिका मंदना मुख्य भूमिकामा थिइन्।

फिल्म ‘पुष्पा : द रुल’ का लेखक तथा निर्देशक सुकुमार हुन्। यो फिल्ममा अल्लु अर्जुनका साथमा फहद फासिल, रश्मिका मंदना, धनञ्जय, राव रमेश, सुनिल, अनसूया भारद्वाज र अजय घोषको अभिनय हेर्न सकिने छ ।