Jun 09 2026 | २०८३, जेठ २६ गते
09 Jun 2026 | मंगलवार, जेठ २६ गते २०८३
मंगलवार, जेठ २६ गते २०८३
Jun 09 2026 | २०८३, जेठ २६ गते
09 Jun 2026 | मंगलवार, जेठ २६ गते २०८३
अछाम । चौरपाटी गाउँपालिकामा आयोजित वडास्तरिय पुरुष भलिबल प्रतियोगिताको उपाधि आयोजकले जितेको छ । परिवर्तनशिल युवा क्लबको आयोजनामा यही पुस ९ गतेबाट सुरु भएको प्रतियोगिताको उपाधि आयोजकले नै जितेको हो ।
उपाधि हात पारेसँगै आयोजकले नगद ५० हजारसहित ट्रफि, मेडल र प्रमाणपत्र पाएको छ । यसैगरी उपविजेता पायल भएको छ भने तेस्रो सोकट र सान्त्वना होटेल भ्यू भएका छन् । उनीहरुले क्रमशः ३० हजार, २० हजार र १० हजार नगद रुपैयाँ पुरस्कारसहित ट्रफि, मेडल र प्रमाणपत्र प्राप्त गरे ।
प्रतियोगितामा ६ वटा टिमको सहभागिता रहेको थियो । विजयी खेलाडीलाई चौरपाटी गाउँपालिकाका अध्यक्ष भीम बहादुर साउँद लगायतले पुरस्कार वितरण गरेका थिए । सो प्रतियोगिता गाउँपालिकाको खेल मैदानमा भएको थियो । खेल क्षेत्रको विकासका लागि प्रतियोगिता आयोजना गरिएको आयोजकले जनाएको छ ।
साथै प्रतियोगितामा हास्यकलाकार जनक साउद (अछामी माग्ने बुढा) ले पनि आफ्नो प्रस्तुति देखाएका थिए भने पुतला खेल पनि खेलिएको थियो । स्थानीय कला संस्कृतिको जर्गेनाका लागि सो क्लवले सांस्कृतिक कार्यक्रम पनि राखेको थियो ।
© 2026 All right reserved to onlinenepal.com
Design & Developed By
