काठमाडौं । पूर्व-पश्चिम राजमार्गअन्तर्गत चितवनमा बस र ट्रक ठोक्किदा नौ जना घाइते भएका छन्। राजमार्गअन्तर्गत खैरहनी नगरपालिकामा बस र ट्रक ठोकिएर दुर्घटना भएकाे हाे।

जिल्ला प्रहरी कार्यालयका अनुसार बिहान २ बजे वीरगंजबाट काठमाडौंका लागि छुटेको ना. ६ ख १५६१ नम्बरको बस र विपरीत दिशातर्फ जाँदै गरेको ना. ५ ख ६१७६ नम्बरको ट्रक खैरहनी नगरपालिका-९ नमूना पेट्रोलपम्प अगाडि ठोकिएको थियो।

बसमा सवार ३४ मध्ये नौ घाइते भएको प्रहरीले जनाएको छ। घाइतेको पुरानो मेडिकल कलेजमा उपचार भइरहेको र सबैको अवस्था खतरामुक्त रहेको छ। दुवै सवारीसाधन र ट्रक चालक प्रहरीको नियन्त्रणमा छन्। बस चालक फरार रहेको प्रहरी कार्यालयका प्रवक्ता एकनारायण कोइरालाले बताए। रासस