काठमाडौं । भारतबाट भित्रिनेकाे संख्या बढेसँगै राैतहटमा काेराेना संक्रमितकाे संख्या ह्वात्तै बढेकाे छ। बुधबार मात्रै ३५ जना कोरोना संक्रमित थपिएका छन् ।

रौतहटको गौर, इशनाथ, देवाही गोनाही, कटहरीया र गढीमाई नगरपालिकाका व्यक्तिमा संक्रमण पुष्टि भएको हो ।

रौतहटको इशनाथका १६, गौरका ८, गढीमाई नगरपालिकाका ७, देवाही गोनाही नगरपालिकाका र कटहरीया नगरपालिकाका २/२ जनामा संक्रमण पुष्टि भएको हो ।

राैतहटका प्रमुख जिल्ला अधिकारी वासुदेव घिमिरेका अनुसार संक्रमण पुष्टि भएकाहरु सबै भारतबाट आएका हुन् ।