काठमाडौं । दार्चुलाको दुहुँ गाउँपालिका–३ सल्लीमा पहिरोले घर पुरिँदा २ जनाको मृत्यु भएको छ ।

घरमाथिबाट पहिरो खस्दा घरभित्र रहेका ५० वर्षीय रामदत्त जोशी र उनकी श्रीमती ४५ वर्षीया इन्द्रादेवी जोशीको मृत्यु भएको हो । छोरा २१ वर्षीय सुनिल जोशी भागेर बाँचेका छन् ।

दार्चुला–तिङ्कर सडक भत्किएपछि घरमाथिबाट भएको पहिरोले सडकभन्दामुनि भएको जोशीको घर पूरै ढाकेको थियो । दुवैको शवलाई घरभित्रबाट झण्डै १२ घण्टा पछि निकालिएको वडा नम्बर ३ का वडाध्यक्ष लालबहादुर बमले बताए ।